Alexandre Popowycz alexandre.popowycz@ugent.be кьгда вьнити вь чл҃вкь сь, и ѥгда ѡ^тити ми ѡ^т нѥг[оо]. помени ме вл^дко грѣшнаго и сп҃си ме, блг^дть твоꙗ бы- вшиꙗ на мнѣ. да прѣбꙋ- деть сь мною вь вѣкы. боуди г҃и мл^с҇ть твоꙗ на на^с҇. ꙗкоже оуповахѡ^м҇ на те. ꙗко тебѣ по^дбаєть слава сь с҃тымь д҃хѡмь. и н҃нꙗ и пр^с҇но и вь вѣкы вѣк[оо]^м ам҃нь:— МЦ^С҇А СЕПТЕМБРѢ и҃ї д҃нь мч҃тениѥ с҃тыѥ ѳеѡ^дры Вь д҃нии зинона ц҃рѣ. агрипа єпарха. соущаа вь алеѯа- ньдрии. жена бѣаше єдина именемь ѳеѡ^дора. моужата, красна видѣ- ниѥмь. богатихь роди- телеи чедо. бл҃городнаа боещи се б҃га. тиꙗ сь агг҃ли ликьствоваа. и пищоу ѡ^т н҃бсь приѥть. кт[оо] слыше братиѥ житиѥ ѥѥ. и не тльчеть вь прьси своѥ. по- минаѥ грѣхы своѥ. бѣ же моужь ѥє бл҃городень. при- лежнивь вь м҃лтвахь. и вь- схотѣ дїаволь искоуситї а. и наоусти єтера вьзлюби- ти ю. и искоусити ю и ра- звратити ю ѡ^т своего єи моужа. и бѣ сле ѥи вѣ- сти соусѣдами. и инѣми женами, ѡбѣщаваѥ имь дары. ꙗко да сьлюбе- ть ю быти єи сь нимь. ѡна же не хотѣше, належещꙋ же ємоу еи, и ѡгавиѥ тво- рещоу на многы дни. не могоущи трьпѣти ре^ч҇ вь се- бѣ, каако имамь ѡ^триноу- ти ре^ч҇, чл҃вка сего не вѣдѣ. аще боудоу сь нымь на соу^д имамь ити вь великы д҃нь. сл҃нце оубо ѡ^ткриѥть грѣ- хы моѥ прѣдь г҃а вьзносе ихь. и ре^ч҇ жена соущиꙗ сь нѥю. заходещоу сл҃нцю, боуди сь нимь. и не имать б҃ь познати грѣха твоєг[оо]. и ре^ч҇ ѳеѡдора. вь истиноу ли оуб[оо] блюд и не вѣдѣ, шь^дши же жена та и ре^ч҇ юноши. прїи- ди ве^ч҇рь. єдинь вльхьвь ре^ч҇ прѣлюбодѣю вьзиди ве^ч҇рь, и боудеши сь нѥю. и плесноу вь роукама и ѡжидаше ве^ч҇ра. и ишьдь ве^ч҇рь тьмѣ соущїи, и бы^с҇ сь нѥю и ѡтиде. ѡна же разоумѣвшїи чт[оо] сьтвори. би лице своѥ и плакаа се. и се моужь ѥє призиваѥ и тѣша- ше ю по ѡбычаю и не хотѣ- аше вьзрѣти на нь. гл҃ющи погоубих си лице бл҃городь- ства моѥг[оо]. и ре^ч҇ єи моужь свои прїиди госпож^де и лези. ѡна же не хотѣаше. оутроу же бывшоу ѡблѣче се вь своѥ рызи. и ишь^дши и тлькноу вь монастырь д҃вчскы вь дверы градныѥ. и паде ни- ць на лицы на своѥмь. моле- щи се и гл҃ющи єи кь игоуме- нїи, госпожде разгни ми єу^г҇лїє. ꙗко сеи нощи хоулно сьтвори^х прѣ^д б҃гомь. аще разꙋ- мѣѥть грѣхы моѥ г҃ь. ре^ч҇ же старѣишина д҃вамъ. госпож^де чт[оо] вьзможно ѥсть о^утаити се ѡ^т б҃га. прѣльще- на ѥси чедо моѥ. рци ми чт[оо] єси сьтворила. ѡна же просльзивши се горк[оо], и ре^ч҇ даж^дь ми книги. да сама разгноу и дасть єи книгы. и разгноувши ѡбрѣте иже писахоу.* и биющи роукама лице своѥ гл҃аше ѡ лютѣ мнѣ ѡ лютѣ мнѣ. ложе своѥго моужа ѡскврьнївши. ѡ лютѣ мнѣ. каак[оо] ѡчи- щю се грѣхь. и ишедши вь д[оо]^м҇ свои сьвлѣче се єже ношааше злато же и рызи. и постри- же власи глави своѥє. и ѡ- блѣче се вь рызи моужа своє^г҇. и ѡтиде ѡ^т града далѥ, и҃і. пьпрїищь. и ѡбрѣтши мо- настирь тлькноувши и ре^ч҇ дверникоу рьци о҃цю, б҃ь съ- творивы вь начетцѣ н҃бо и землю и чл҃вка. и видѣ ꙗко нѣ^с҇ покаанїа вь люде^х, роди се ѡ^т д҃вы м҃рїє. и пропетїє постра^д поканиꙗ ради чл҃ча. н҃нꙗ оубо прїими ме да** ногы ваше ѡмываю. да с҃псоу се и азь. и вьзвѣсти вратарь архиманьдритови вѣсть сию. и призвавь всоу брати- ю и ре^ч҇ имь. по гл҃оу дверничю. и соудише да прѣбоудеть вьнѣ до ве^ч҇ра гл҃юще аще не косно^ут се єи* звѣрыѥ. т[оо] з^де имать вьнити. и имахꙋ же братиꙗ дрьзновениѥ. ꙗко аще косноут се имь звѣ- риѥ. слов[оо]мь тькм[оо] ѡ^тгонѣаше архїмандрить. и заше^дшоу же сл҃нцю прїи- доше звѣриѥ ревоуще и скрь- жеще зꙋбы. и видѣвше ю ми- моидоше. тог^да же ѡ^тврьзо- ше єи. и ꙗко поклони се всѣ^м҇. поєть ю архїманьдрить вь кѥлю* свою. и ре^ч҇ єи чед[оо] моє како нарицаєши се. и по чт[оо] прїиде з^де. и пакы г҃ла єи єда к[оо]моу дльжьнь єси. єда ли оубїиств[оо] сьтвориль єси. єда ли жена те ѡскрьблꙗє^т҇, или дѣти. и аще є^с҇ вьзми на потрѣбоу еже трѣбоуєши чед[оо] моѥ. и иди вь д[оо]мь свои. єда како не вьзм[оо]щи имаши трьпѣти. понѥже жестока соуть житїа мни- шьскаа. ѡ^твѣща ємоу бла- жена ѳеѡ^дра. плачющи се и ре^ч҇, име моѥ ѥ^с҇ ѳеѡ^дръ. и прї- д[оо]хь с҃псенїа ради зде г҃и мои. тьгда гл҃а єи архима- ньдрить. брате ѳеѡ^дре. по- стити се имаши. и врьть напаꙗти. и вь хлѣбници дѣлати. и вь сокалници. третїи ча^с҇ и шестии ча^с҇. и де- ветїи ча^с҇, пѣти имаши. и непрѣстанн[оо] молити се. нощьныѥ сиѥ молитви. вышнѥмоу вьздаꙗти. о- на же прїимаше словеса с҃тго старца. и рѣка сльзь исхож^даше ѡ^т ѡчию єє. и пакы гл҃а єи. повелѣно ти имать быти ити вь граа^д и слоужити брати. гл҃а ємꙋ блажена ѳеѡдора. єи г҃и мои оуповаю на б҃а, к нѥмꙋ же и прибѣгѡ^х҇. ꙗко писме єдин[оо] ѡ^т гл҃ь твои^х не имать пасти на земли, и оутроу же бывшоу. повелѣнно ѥи бы^с҇ напоити врьть. и почрь- пши же, с҃ вѣдрь и напои и бы^с҇ г҃. ча^с҇. пѣть сь бра- тиѥю. и по т[оо]мь иде вь хлѣбарници. прѣклонив- ши се кь жрьвнамь. и сьмлѣ пшеницю. и испече хлѣбь р҃ и, м҃. и, г҃. прѣж^де ше- стаго ча^с҇. и иде вь вежю и свари зелиѥ. прѣж^де, ѳ҃ го ча^с҇. и повелѣнн[оо] бы^с҇ ѥи сь- творити два колача. тьгда прѣж^де ве^ч҇ри. и повелѣхоу єи ꙗсти хлѣбь. и вьлѣзши вь хижницю свою. молꙗ- ше се б҃оу ѡ^тдати прѣгрѣше- ниꙗ єѥ. ꙗко да не понесеть и^х, и гл҃аше г҃и ѡ^тдаждь ми грѣ- хи моѥ, ꙗко погоубих си лице моѥ, и ꙋсьпши сь плаче^м҇. и се проповѣдници гл҃ахоу. брате ѳеѡ^дре вьстани. ѡ- на же вьставшии и поꙗше пѣ^с҇ агг҃лскоую. сице же єи послоуживши, и҃. лѣ^т҇. и бы^с҇ вь манастиры скоудн[оо] ма- сла дрѣвенаго и пшенице, и повелѣше єи. поєти вель- боуди и ити вь граадь и послоу- жити. и бѣ моле се моужь єє г҃ви г҃ле, г҃и ꙗви ми же- ноу мою аще с кымь ѡ^тти- де. или чт[оо] бы^с҇ ѥи, ре^ч҇ же єм^ꙋ агг҃ль г҃нь жена твоꙗ сь с҃ты- мь д҃х[оо]мь ѡ^тиде. и ре^ч҇ ꙗви мї ю г҃и мои мнѣ. ре^ч҇ же агг҃ль кь нѥмоу стани зау^т҇ра на поу- ти оу ц҃ркве с҃тго петра. и є- же те целоуѥть т[оо] и ѥ^с҇ жена твоꙗ. оуранив же и ста на мѣ- стѣ идѣже ре^ч҇ ѥмоу агг҃ль. и видѣ вельбоуди и блаженоу- ю ѳеѡ^дроу вь моужьск[оо]ѥ ѡдѣаниѥ ѡдѣаннаа и не по- зна ѥѥ. ѡна же познавши моужа своѥг[оо]. гл҃а вь себѣ. вьзрѣвши на бывши єи и- ногда моужь ѥе. вьзлюблѥ- не мои, се колик[оо] дѣлаю, да избавлю се ѡ^т грѣха. єже сьтворихь при тебѣ. и прише^д- ши до нѥго. и поклони се єм^ꙋ гл҃ющи, рау^ди се моужоу мои и г҃и мои. и ѡ^твѣща и тои єи не вѣдїи, и разидоста се. и ре^ч҇ моужь єє г҃и по чт[оо] ме забы и не показа ми жены моѥє. и ре^ч҇ ѥмоу агг҃ль паки вь снѣ. не вчера ли ти се по- клони гл҃ющи. рау^ди се моужꙋ мои и г҃и мои. блажена же соущи вь манастири поща- ше се, д҃нь єдинь. и приложи и дроугы єдинь, и молꙗше єтера ѡ^т братиѥ. да оумоли- ть ѡ҃ца да се би постила, д҃. д҃ни, и ре^ч҇ ѡ^тц҃ь чедо ѳеѡ^дре, б҃ь да оутврьдит те вь страсѣ ѥ^г҇. колико д҃неи хощеши пости- ти се. ѡна же ре^ч҇ .д҃. д҃ни ѡ҃че. приложи и дроугаа дваа и по- сти се до не^длѥ ѡ чед[оо]. ѡна же сь радостию великою при- ємши. и повелѣниѥ же архї- маньдритово творꙗше тако, и по лѣтѣ же єдин[оо]мь оумо- ли старѣишины манастыра. да ѡблѣчет се вь врѣтище. и ре^ч҇ єи старець вь ꙗрьмь г҃нь хощеши ѡблѣщи се чед[оо] м^о҇є. и помоли архїмандрить всоу братию, ѡблѣщи се* вь врѣ- тище и сь врьхоу вь ризю мни- шьскоую. прославлꙗаше б҃га гл҃ющи. б҃е ѡ^тдаж^дь ми грѣхи моѥ. и вьзрадова се д҃х[оо]мь и слоужаше г҃ви. Бѣше же пристанище и єзе- роу* тоу. и никт[оо]же не смѣ- ше ни можаше миноути тоудѣ. занѥ звѣрь исхож^да- ше ѡ^т єзера коркодиль нари- цаєми. и вьзимаше ч҃лвки и скоти. тѣм же и григори кнезь воини приставиль бѣше стрѣщи мѣсто т[оо]. да не мимоидеть никтоже тоудоу и оумреть ѡ^т звѣреи, и разоумѣв же архимандри- ть. ꙗко спо^дби се ѳеѡ^дрь бл҃го- дѣти б҃жїи. и ре^ч҇ кь нѥи чедо моѥ ѳеѡ^дре. вьзми крьчагь и почрьпи ѡ^т єзера. блажена же поиде на мѣсто, т[оо]. И рѣше єи воины иньдѣ по- чрьпи. не можеши бо здѣ почрьсти. ꙗко звѣрь зль ѥсть на мѣстѣ семь и оумреши. ѡна же ре^ч҇ имь ꙗко архима- ньдрить повелѣл ми ѥсть ѡ^т сего мѣста почрьсти. ѡни же вьзбранꙗхоу ѥи. ѡна же тече на брѣгь єзера. и се корко- диль пришедь вьзеть ю на се и несе ю до срѣдѣ єзера. и простьрши крьчагь свои и почрьпе водоу. и вьзложи врьхоу звѣра. и пришедь звѣрь посади ю на земли. ѡна же ѡбращьши се и ре^ч҇ кь коркоди- леви. о^уже к т[оо]моу не ꙗждь никогоже. и вьнезаапоу издь- ше. воини же видѣвше бы- вшеѥ. И шьдше вьзвѣсти- ше бывшеѥ архимандрїтꙋ. и рекоше ємоу вса бывшаа, ѡ коркодилевѣ. и шь^дше вьзвѣ- стише вса григорїю кнезоу. и прославише б҃а. дивно же се ꙗви мнихѡ^м҇ бывшеѥ. и нѣкои не вѣроваше*. и при- ведоше ю иже не вѣровавше и, ве^ч҇роу соущꙋ рекоше кь нѥи, ѡтаи ѡ҃ца вьзми листокь написань и донеси вь дроугы манастырь. и ѡ^тпоустише ю скрозѣ странꙋ и се звѣрь стрѣте ю и доведе ю вь ма- настирь, идѣже идѣше. и тлькноувши вьниде и вьда- сть листь кь ѡ҃цоу. и две- рник же ѡстави дверы ѡ^тврь- сти. вьлѣз же звѣрь и вьсхи- ти чл҃вка. ѡн же носимь вь- пиꙗше гл҃ѥ помозите ми то же блаженаа ѳеѡ^дра. шедь- ши не ѡбрѣте дверника. оу- слышавши гл҃сь єг[оо], и текь- ши ѡбрѣте и сьнѣдаѥмаа. и ємши за грьтань звѣра тог[оо], ѡтеть чл҃ка. и ре^ч҇ звѣреви соу- хо да бꙋдеть тѣл[оо] ѥг[оо]*. ꙗко ѡбразь б҃жии ꙗси. и абиѥ па- дь издьше звѣрь тьи. блаже- на же вьзьмши чл҃ка и бѣ снѣ- дено стегно ѥг[оо]. и сьтвори- вши х҃во знаменїє и исцѣли и, и приведе ѥго вь свои ѥмоу ма- настирь. и никомоуже не по- вѣда блаженаа ѳеѡ^дра бывь- шаг[оо]. оутроу же бывшоу, се мниси манастира того. принесоше чести и свѣще архимоудритоу гл҃юще. ꙗко с҃псль ѥсть м҃лтвами вашими ѳеѡ^дрь д҃шю ѡ^т оу- сть звѣри. слышавши же вси соущеи вь монастири вса бывшаа и прославише б҃га. и ꙗко ѡ^тидоше мниси вь сво- и манастирь. сьбра архим^ꙋ- дрить все своѥ оученикы, кь блаженнѣи ѳеѡ^дрѣ. и ре^ч҇ имь вьсѣмь кто и посла. и вси ѡ^тврьгоше се. и гл҃а кь блаженнѣи брате ѳеѡ^дре, кт[оо] те посла. ѡна же ре^ч҇ ѡ^тдаж^дь ми грѣхи ѡ҃че ꙗк^о҇ дрѣма^х єгда ме послаше, и не вѣдѣ како изид[оо]^х. тог^да же дїав[оо]ль ꙗви се єи вь- нѥг^да же творꙗше слоужбꙋ братии. и гл҃а ѥи сь гнѣвѡ^м҇, ты блоуднице. и прѣлюбодѣ- ице. ѥгда испаде ѡ^т своег[оо] моужа и прїиде здѣ льсти- ти всѣ^х. тако ми силы вь- сѣ^х моихь. аще ты не и- зриѥ ꙗме* да пропненнаго ѡ^тврьжеши се. не рци ꙗко нѣсмь азь. ѡна же разꙋ- мѣвши и знаменавши се запрѣти ѥмоу, и ищезе. и по сем же скоудн[оо] бы^с҇ пше- нице вь манастири т[оо]мь. и ре^ч҇ архимоудрить, брате ѳеѡ^дре поими велбоуди и иди вь граадь. и аще ѡбь- вечериши се на поути прѣ- почи вь синнаѳѣ*. и шедши послоужи. и ѥг^да вьзрати- ши се и ѡбвечериши се на поути, вьведи вельбоуди вь манастирь єньнать- скыи. и молꙗше се дати єи покоище вельбоуд[оо]^м҇. и даше єи граждь. и вьве- дѥ* велбоуди тоу. и спа близь, и^х. вь полоунощи же приде дьщи старѣиши- ны монастира того вь гра- ждь. и гл҃а єи прїиди лези сь мною. ѡна же ре^ч҇ вь исти- ноу сестро моꙗ. не могоу лещи сь женою. ꙗко доухь зьль имамь, єда како оу- биѥт те. бѣ же тоу стра- ннь чл҃вкь. и ишь^дши к нѥ- моу сконча своѥ безаконїє, и зачеть. оутроу же бывшꙋ изиде чл҃вкь и ѡтиде. ѡ- тиде же и блаженнаа ѳеѡ^дра, сь вельбоуди своими вь мона- стирь. по шестым же м^с҇ци, ꙗвлѥно бы^с҇ ꙗко вь чрѣвѣ и- мать д҃вца. и вьпросише ю мниси тиежде, и бывь- шеѥ гл҃ахоу єи. рци намь кт[оо] те прѣльсти. ѡна же ре^ч҇ авва ѳеѡ^дрь. слоуга ѡкт[оо]декатоу, лежа сь мною. єг^да прѣбы^с҇ з^дѣ сь вельбоуди. и идоше же м- ниси. єннаѳьсти вь ѡкто- декати. и сварише се сь арь- химоудрит[оо]мь гл҃юще. се авва ѳеѡ^дрь ѡскврьни нашоу д҃вцю. и вь чрѣвѣ имать, и приведе архим^ꙋ- дрить авва ѳеѡ^дра. и ре^ч҇ ємоу по чт[оо] ноудиль єси д҃вцю. ѡна же ѡ^твещавь- ши ре^ч҇. ѡ^тдаждь ми грѣ- хи ѡ҃че. не имамь ѡрꙋ- диꙗ. ѡтидоше же мни- си єннаѳьсти По трех же м^с҇цихь роди д҃вца. и принесоше младенець и по- ложише и посрѣ^д монасти- ра. и повелѣ архимоудри- тъ изгнати вьнь из мона- стира блаженноую ѳеѡ^дрꙋ. давше єи младенець єннь- ѳьскыи. мниси же ѡ^ти- доше въ своѥ мѣст[оо]. бла- жена же ѳеѡ^дра. приѥмши младенць. и прѣбы^с҇ по^д с- тѣною монастира. сьтво- рившии хизиноу малоу, младенца ради. и испросив- ши єи ѡть пастиреи вльноу. и рогозницю. и покри мла- денець. и бѣ доѥщи ѥго ѡ^т сьсьць ѡвчиихь. и прѣ- бысть же сице, з҃: лѣть, дїаволь же видѣвь толик[оо] трьпѣниѥ ѥє. и прѣѡбрази се вь моужа ѥє. и вьлѣзе вь хижницю єє. идѣже сѣдѣ- ше бл҃женаа ѳеѡ^дра. и гл҃а єи здѣ ли сѣдиши господины моꙗ. и азь метоу се толик[оо] лѣ^т҇. по что небрѣжеши о мнѣ господины моꙗ. не вѣси ли ꙗко тебе ра^д ѡстави^х҇ ѡ҃ца и матерь. поиди госпо- динѥ вь д[оо]мь твои. к томꙋ не сьтворю с тобою грѣха. прїиди да идевѣ вь мѣсто наше. гдѣ цвѣть лица твоего господине моꙗ. кто те прѣльсти на мѣсто сїє прїити. вьзлюблѥнице м^о҇ꙗ ѡна же непщевавшїи, ꙗко въ истиноу моужь ѥе ѥсть. и ре^ч҇ к нѥмоу азь к т[оо]моу вь граадь не идоу, ѡ^трекохь бо се. ꙗко с҃нь їѡана дроугара смѣси безакониѥ сь мною. и погоубыхь лице бл҃городства моѥг[оо]. сего ради бѣжахь, житїа свѣта сег[оо]. да не каа- ко вь горе вьпадоу. и ꙗкоже вьздѣ роуцѣ на н҃б[оо] сьтв[оо]- рити м҃лтвоу. и абиѥ ище- зе дїаволь. тогда разоумѣ блаженаа ѳеѡ^дра. ꙗко дїаво- ль т[оо] бѣ. и ре^ч҇ вь малѣ ме не прѣльсти дїаволь. и бѣ гризающии билиѥ сверѣпоє. и пиющи водоу морскоую. и так[оо] себе моучаше. да ѡ^т- дань боудеть грѣхь єе. м҃лтвы же твораше сь бдѣ- ниѥмь и прилежаниѥмь. звѣриѥ же мѣста тог[оо], сьбыраахоу се кь нѥи и слоу- жаахоу ѥи. билиѥ прино- шаахоу вь хижоу ѥе. и не ѡ^тстꙋ- пи же манастира, вьсѣмь вьхѡдещїимь, покланꙗю- щїи се и гл҃аше молите се за ме б҃а ради. и николиже оу- склаби се. нь вьсегда рѣкы исхож^даахоу ѡ^т ѡчию єє. про- шенїа же ѥє бѣхоу всегда. г҃и безгрѣшне ѡ^тдаждь ми грѣхи, моѥ. нокти же єє бѣахоу ꙗко рысции*. тѣло же ѥє ѡ- чрьнѣ ѡ^т роси нощныѥ. и быше власи ѥѥ ꙗко и львоу. и ѡ^т зноꙗ дневнаг[оо] рѣка сльзь бы^с҇ вь хизины ѥє. и ѡчи ѥи измѣ- ниста се. архимоудрит же виде жизнь ѥѥ. и вса братїа молꙗхоу се за ню. дїавол же виде ю дивлꙗше се. немощь на ме сьтвори сиꙗ жена. и покаазаше ѥи видѣнїа стра- шнаа. се звѣрїє земльсци, и морсции на ню. и моужь гл҃ѥ снѣдите любодѣицю тоу. блажена же ѳеѡ^дра гл҃а- ше. ѡбьшь^дше ѡбидоше ме, и именемь г҃нимь проти- влꙗх се имь. и абиѥ исчезо- ше видѣнїа неприꙗзнинаа и иног^да же противоу сьвѣтꙋ, видѣ злато много на земли, и моуже грабеще ѥ. ѡна же знаменавши се, и вьздѣвши роуцѣ на н҃бо. и се сьтвори ищезноути. и пакы показа єи диꙗв[оо]ль видѣниѥ вели- ко, се воиѥ мнози и сьноу- зници. гл҃юще кнезь ми- мох[оо]дить. и вьси поклони- ше се ємоу. и прїидоше до блаженыѥ ѳеѡ^дры. ѡна же не поклони се ѥмоу. ни вьста противоу видѣнию. воини же г҃лахоу ѥи. вьстани кне- зь мимоꙗздыть поклони се ѥмоу. она же ре^ч҇, г҃оу б҃оу єдин[оо]моу поклоню се. и ре- коше старѣишини своѥмꙋ. не вьста ни поклони се кнезꙋ. и разгнѣвав се. и приведе бла- женоую ѳеѡ^дрю. и би ю рана- ми ꙗко мнѣти всѣ^м҇, ꙗко оу- мрѣть. ѡ^тстоупи же кнезь видѣниꙗ. приидю же па- стириѥ вьзеше ю и положи- ше ю вь хизинѣ мрьтвоу. и шедше вь монастирь рѣше прїидѣте вьзмѣте тѣл[оо]. изиде же архимоудрить, и братїа с нимь. и ре^ч҇ авва ѡ- ставите єг[оо] ꙗко живь ѥсть, и ѡставише и ѡтидоше вь монастирь. кь полоуно- щи же ѡживши ѥи и єдва плака се гл҃ющи, ѡ лютѣ мнѣ грѣшници. лютѣ мнѣ соущи бес помощи. каако кажет ме грѣ^х мои. вьздѣвши же роуцѣ на н҃б[оо], и вьзьпи глас[оо]мь велиѥмь гл҃ющи. б҃е сьтвориви н҃бо, и землю измѣривь дланїю. иже шесть хероувїимь сь- творивь. и четирми носи- ти се повелѣвь. и немль- чныимь вьпити ти глас[оо]^м҇. с҃ть с҃ть с҃ть г҃ь саваѡѳь, испльнь н҃бо и землꙗ славы єг[оо]. и двѣма же повелѣ стрѣщи дрѣво животн[оо]ѥ. слава имени твоѥмоу из- бави ме из роукы дїавола. вл^дк[оо] вь забвениѥ сьтвори грѣхь моихь. твореи днев- ноѥ ѡ^тдааниѥ. ꙗко тебѣ слава вь вѣкы аминь. и видѣвше же пастириѥ сла- влꙗахоу б҃га. вьзвѣстише игоуменоу ꙗко поѥть. и покланꙗѥт се г҃ви. и шьдь авва и вьзеть ѡ^т нѥе ѡтро- че. и вьзрадова се блаже- ннаа ѳеѡдора. бѣ бо ски- тае се вь поустыни. по си- х же пакы дїаволь. вь ѡбра- зи єтера носе блюд[оо]. на нѥмже бѣ всакаа птица, вь снѣдь. и ре^ч҇ єи кнезь би- ви те гл҃ѥть прїими се, ꙗко невѣдїи бих те. ѡна же знаменавши се, и ре^ч҇ дїаволꙋ, да прокльнет те г҃ь б҃ь. неро- ж^доу ѡ тебѣ немощне. ꙗко имамь б҃а застоупника ми. и абиѥ вса ищезноуше. и к т[оо]- моу сь нѥю не бори се дїаво^л҇. и рече кь нѥи чт[оо] те имамь моучити болеи страсти сеє. скончаше, з҃. лѣ^т҇. вьнѣоудоу монастира. прїидоше же мниси того* монастира. кь архимоудритоу гл҃юще. покаите се оубо на брата на- шего ѳеѡ^дра. и вьведѣте и вь монастирь вьноутрь. вса бо ѡ^тдасть ѥмоу б҃ь грѣхы єже сьтвори. вьставше архи- моудрить, поклони се и ре^ч҇ кь нимь ѡ^тдадите ми грѣхи ѡ҃ци. агг҃ль бо ре^ч҇ ѡ ѡ^тдаанїи єго:~ И оумилѥни бывше братїа вьведоше и. и гл҃а ѥи архи- моудрить се юже вьведо- х те. и не изиди пакы да не прѣльщень боудеши. и вьведе ю вь вьноутрьню хи- зиню. и сь ѡтрочетемь єє. и к т[оо]моу юже не слоужаше. и прѣбы^с҇ же двѣ лѣтѣ. не и- сходе из монастира ни ис хи- же излазе. нь бѣ тоу ꙗдь и пи- во ѥє. и непрѣстанн[оо] моле- щи се б҃гоу. и дроузи ѡ^т братиѥ по^дбеще се ѥи с҃псахоу се. и єди- н же ѡ^т д҃ни. скоудно бы^с҇ воды вь монастиры. исьхоше бо рь- веници. и ре^ч҇ архимоудрить брати, да оувѣсте ꙗко брать ѳеѡ^дрь спо^дби се. призовѣте и здѣ. и ре^ч҇ ѥмоу ѡ^тц҃ь. сьтво- ри любовь брате ѳеѡ^дре. вь- зми крьчагь и почрьпи водоу ѡ^т рвеника. ѡна же приѥмши крьчагь, и помоли се вь себѣ, и поусти низь прѣдь всѣми. и извлѣче пльнь крьчагь сь во- дою. и испльнише се вси рве- ници воды. и иде вь хижю свою. по днех же єтерѣхь, поѥмши ѡтроче прѣ^д всѣми, ве^ч҇рю соущоу затворивь хижи своѥи. и ре^ч҇ архимоудрить ста- рѣишинамь монастирꙗ. идѣте и потроудите се и види- те чт[оо] гл҃ѥть отрочети. шедше же и послоушаахоу ѥю.* ѡна же приѥмши отроче вь хижи своѥи. и лобизаше и гл҃ющи, с҃ноу мои вьзлюблѥнни. врѣме оумрьтвїа моѥго при- ближи се. оуже идоу ѡ^тноудоу- же не вьзвращю се к т[оо]моу. чед[оо] моѥ не рци юже ꙗко сирь єсмь. имаши б҃а и бои се ѥго. и бои се г҃на нашего архїмоудри- та. ꙗко ѡ҃ца своѥг[оо]. и все братиѥ ѡ^т мала до велика, чед[оо] моѥ оудльжи м҃лтвы своѥ. вьсилаѥ кь б҃оу третїю годиноу и, ꙅ҃. и, ѳ҃. и ве^ч҇рню. и нощныѥ и оутрьнѥє м҃лтвы, вьзсилаи г҃ви. и вьзьалчи да на- ситиши се. вьж^дедаи да вьзве- селиши се. сѣтоуи да оутѣши- ши се. подаи хлѣбь свои альчющимь. даж^дь ризю свою наг[оо]моу. не вьсхотѣи тꙋж^де- моу. не ѡклѥветаи брата сво- єг[оо]. не вьзрау^ди се, ѡ вразѣ своє^м҇ плачи се, да вьсмѣєши се. не диви се лицю тоуж^демоу. и аще нѣкыѥ оуслышиши зли, помоли се о нихь. недоужниѥ посѣщаи. слѣпимь вождь боуди. мрьтвыѥ погрѣбаи. не оубои се брани дїаволѥ. не- мощнаа бо ѥсть. и аще сьтво- риши ꙗже ти гл҃ю. не оустра- шаи се ѡ^т привидѣниꙗ дїаволꙗ. работаи братїи своѥи. и изь всеѥ д҃ше помоли се вьсегда. не вьниди вь напасть. пакы помоли се да б҃ь видѣвь трꙋ- ди твоѥ. послет ти помощ. блюди чед[оо] моѥ и сьхрани за- повѣди моѥ. помени колико лѣть дѣлахь тебе ради чедо моѥ. азь оубо юже идоу. и по- моли се сь сльзами многыми. и скончавши ам҃нь. абиѥ оу- спе ѡ г҃и. повѣдаше же зау^т҇ра архимоудритоу. и прослави б҃а архимоудрить гл҃ѥ. и азь видѣхь сию нощь вь снѣ. се два моужа пришь^дшаа поеста ме. и идохь вь высоти неи- змѣрныѥ, и се чины агг҃л[оо]мь. и гл҃сь прїиде кь мнѣ гл҃ѥ. прїи- ди и виж^дь благаа ѳеѡ^дра*. невѣ- стѣ моѥи. и вьведе ме вьноу- трь. и видѣ^х раи. и тоу чрьто- гь неизре^ч҇ннь. и видѣхь тоу ѡдрь постлань. и агг҃ль хра- нꙗше ѡдра того. и рѣхь мꙋ- жема соущима сь мною. ком^ꙋ чрьтогь си и ѡдрь. и ре^ч҇ ми по- жди мал[оо] и оузриши славоу б҃жию. и видѣхь чины агг҃ль- скыѥ. и пр^о҇рчскыи, и ап^с҇лскы, и м^ч҇ничскыи и всѣхь праве- дникь. и се посрѣ^д ихь жена, оукрашена многою славою. и прїиде вь чрьтогь и сѣде на ѡдрѣ. и поклонише се вси прѣ^дстоѥщии. и ре^ч҇ ми агг҃ль. видѣ ли сеи ѥ^с҇ авва ѳеѡ^дрь. сеи ѥ^с҇ ѡклеветань льжею. ѡ ѡтрочети си ѥ^с҇ прѣбывь- шїа .з҃. лѣ^т҇, билиѥ гризоущи. и водоу морскоую пиющии. и не ре^ч҇ ꙗко жена єсмь. показа- на же бы^с҇ ꙗко ложе ѡскврь- ни моужа своѥг[оо]. и сьтвори се моужь. да раз^дроушить грѣ- хи своѥ. и показана бы^с҇ и про- тивоу не ре^ч҇: Сего ради жизнь вѣчноую наслѣдоваа. и сїа рек ми агг҃ль. приведе ме вь монастирь. вьзьбоудив же се и плакахь грѣхы св[оо]ѥ. идоше же вьси вь хижоу бл҃же- ныѥ ѳеѡ^дры. плачюще се и ри- дающе. шь^дше же по ѡбычаю тлькноувше. и многь ча^с҇ тлькꙋ- ще. игꙋмен же ре^ч҇ ѳеѡ^дре вьста- ни. ѡни же єдва вьзбꙋдише ѡтрока. и ѡ^ттврьзе* имь. и вьлѣзшеи ѡбрѣтоше мрь- твоу. и плакав се архимоу- дрить. и ре^ч҇ ни ѥдиномоу рьцѣ- те ꙗко жена єсть. повелѣ доидеже оузреть славоу б҃жїю. и повелѣ авва прѣ^дложити ю. и ре^ч҇ авва идѣте вь єннаѳь. и вьзгласите ѡ҃ца д҃вци. и мнихи приходившеє сь нимь. прїидоше же и гл҃а имь архим^ꙋ- дрить. моужь дьщере вашеє оумрѣть. и показа имь и ре^ч҇ нѣсть ли се ѳеѡ^дрь. и рѣше вь истиноу сеи ѥсть. и ре^ч҇ авва ѡ^ткрите и ризи ѥг[оо]. и ѡ^ткри- вше и видѣвше ꙗко жена ѥ^с҇. и видѣвше все множь^с҇тв[оо] мнихь и д҃вьствоующїихь. и оубоꙗше се зѣл[оо]. и плакахꙋ се вьси плачемь горк[оо]мь. и по си^х прїиде агг҃ль г^с҇нь и ре^ч҇ архимоудритоу. поимы конь и иди вь градь. и ѥгоже срѣщеши поимь и приве- ди сь собою. и ꙗко изиде и срѣте и моужь текоущь. и рече авва камо идешии. и гл҃а ѥмоу жена ми оумрѣть. и идоу видѣти ю. и вьсади єго за се на кѡ^н҇. и пришедь видѣ ю прѣдьлежещоу. И вьзьпи гл҃с[оо]мь велик[оо]мь. и ре^ч҇ плачевн[оо]мь. и биꙗше ^с҇* по нѥи. и плакааше се плачем҇ велик[оо]^м҇ зѣл[оо]. ꙗко всѣ^м҇ мона- стиремь плакати се. ѡ свои^х кьж^до грѣсѣхь. слышаахоу же и вь далныи^х монастирѣхь. ѡ пощени єѥ и ѡ д҃вьствѣ, и пришь^дше повиваахоу сь славою. моужь же ѥє прѣє- ть кѥлию єє. и потомь оуспе и т[оо]и вь нѥи. мни- си же прославише б҃а гл҃юще. ꙗко спо^дбихѡм се видѣти. таковоую д҃шю праведноу- ю. таково ти бы^с҇ житиѥ блажениѥ ѳеѡ^дры. тацїи поты страстотрьпныѥ жены. ѡтроче же прѣєть дѣла єє. и житиѥ м҃тре своѥє. оумрѣт же и архїмꙋ- дрить. и поставише вь нѥго мѣст[оо], авва ѳеѡ^дра. бла- женыѥ ѳеѡ^дры с҃на. б҃оу же нашемоу слава вь вѣкы ам҃нь:— МЦ^С҇А СЕПТЕМБРА к҃д. моучениѥ с҃тыѥ ѳекли бл^с҇ви ѡ^ч҇е Вьходещоу павлоу вь иконїю по бѣгани ѥмоу. бывшим ємоу ѡ^т антїѡхиѥ. бы- ста поутника сь нимь, димась, и єрм[оо]гень. лице- мѣрїа испльнѥна соущаа. слоужещаа павл[оо]вы, ꙗко лю- беща и. павль же вьзираше на єдиноу блг^дть х^с҇воу. ниче- соже льстьнаа не твораше има. нь люблꙗаше єю зѣл[оо],